Category: Armen Press

30 միլիարդ 341 միլիոն դրամ վնասի վերականգնում՝ դատախազության հսկողությամբ քննվող տնտեսական հանցագործությունների քրեական վարույթներով

Ֆրանսիայի նախագահ Էմանուել Մակրոնն Իրանի նախագահ Մասուդ Փեզեշքիանի հետ հեռախոսազրույցում կոչ է արել դադարեցնել հարվածները տարածաշրջանի երկրների ուղղությամբ, ինչպես նաև վերջ դնել Հորմուզի նեղուցի «դե ֆակտո արգելափակմանը»։
Հեռախոսազրույցի մասին Մակրոնը գրել է X հարթակի իր էջում։
Նա շեշտել է Ֆրանսիայի դիրքորոշումն այն մասին, որ Իրանի և ԱՄՆ-ի ու Իսրայելի միջև հակամարտությունը պետք է լուծել դիվանագիտական ճանապարհով։
Մակրոնը նաև հայտնել է, որ խորը մտահոգություն է հայտնել Իրանի միջուկային և հրթիռային ծրագրերի առնչությամբ, ինչպես նաև «տարածաշրջանում այդ երկրի ապակայունացնող գործողությունների առնչությամբ, որոնք ներկայիս ճգնաժամի հիմնական գործոններն են»։
Կողմերը պայմանավորվել են պահպանել շփումները։

Մոջթաբա Խամենեին դարձել է Իրանի նոր գերագույն հոգևոր առաջնորդ

Ֆրանսիայի նախագահ Էմանուել Մակրոնը վերահաստատել է աջակցությունը Հայաստանի և Ադրբեջանի միջև խաղաղության գործընթացին։
Այս մասին Ֆրանսիայի նախագահը գրել է X-ի իր միկրոբլոգում՝ մանրամասներ հայտնելով Ադրբեջանի նախագահ Իլհամ Ալիևի հետ ունեցած հեռախոսազրույցի վերաբերյալ։
«Տարածաշրջանի ղեկավարների հետ իմ խորհրդակցությունների շրջանակներում զրույց ունեցա Ադրբեջանի նախագահ Իլհամ Ալիևի հետ, որին հայտնեցի մեր աջակցությունն ու համերաշխությունը իր երկրին Իրանի հարվածներից հետո։
Ես նաև շնորհակալ եմ Ադրբեջանին՝ մեր քաղաքացիների տարհանման հարցում ցուցաբերած օգնության համար։
Ես օգտվեցի այս հնարավորությունից՝ վերահաստատելու մեր աջակցությունը Հայաստանի և Ադրբեջանի միջև խաղաղության գործընթացին և մեր ցանկությունը՝ շարունակել երկկողմ երկխոսությունը Բաքվի հետ ավելի ամուր հիմքերի վրա»,- գրել է Մակրոնը։

Հայաստանի Ազգային ժողովի փոխնախագահ Ռուբեն Ռուբինյանն արձագանքել է Լեռնային Ղարաբաղի անվտանգության խորհրդի նախկին քարտուղար Վիտալի Բալասանյանի այն հայտարարությանը, թե Հայաստանը պետք է Միութենական պետության մաս լինի՝ այնպիսի մոդելով, ինչպիսին եղել է Խորհրդային Միությունը։

«Ղարաբաղի անվտանգության խորհրդի նախկին քարտուղար, Ղարաբաղը բառի բուն իմաստով հանձնած և Երևան փախած, այժմ էլ ռուսաստանցի օլիգարխի (խմբ․ նկատի ունի «Տաշիր» ընկերությունների խմբի հիմնադիր, «Ուժեղ Հայաստան» կուսակցության նախագահ Սամվել Կարապետյանին) ակտիվ աջակից Վիտալի Բալասանյանն այսօր գնացել է եկեղեցու բակ, իր աջակցությունն է հայտնել Կտրիճ Ներսիսյանին և ոչ ավել, ոչ պակաս ասել, որ Հայաստանը պիտի լինի նոր նոր Խորհրդային Միության մաս, ինչպես 100 տարի առաջ։ Վիտալի Բալասանյանը, իհարկե, գլուխը պատին է տվել, և հարցը դա չէ․ նա և նրա նմանները ծոծրակները կտեսնեն, բայց Հայաստանի անկախության կորուստ նորից չեն տեսնի, մենք դա թույլ չենք տա։ Բայց ես ուզում եմ հասկանալ՝ էս ի՞նչ մարդիկ եք դուք ընդհանրապես։ Դուք արյուն ուրացողներ եք, դուք ո՞վ եք ընդհանրապես, որ ազգային արժեքներից խոսեք։ Ուրեմն այսքան մարդ այսքան տարիների ընթացքում արյուն է թափել, զոհվել է, մահացել է, իր կյանքն է զոհել Հայաստանի անկախության համար, որ դուք գաք այդքան հեշտ ասեք՝ Հայաստանը իր անկախությունից պիտի հրաժարվի՞։ Կամ ռուսաստանցի օլիգարխը, որ եկել ասում էր, որ Հայաստանում ռուսերենն ու անգլերենը պետք է պետական լեզու հայտարարել․ այսինքն՝ մեր 5000-ամյա լեզուն հեչ, պետք է օտար ժողովուրդների լեզուները մեր պետական լեզուն հայտարարենք։ Ո՞վ եք դուք ընդհանրապես։ Հունիսի 7-ին Հայաստանի անկախության դեմ գործող բոլոր ուժերին պետք է ուղարկենք գրողի ծոցը կամ ցանկացած այլ ծոց՝ իրենց նախընտրությամբ»,- «Արմենպրես»-ի փոխանցմամբ՝ «Ֆեյսբուք» իր էջում հրապարակած տեսանյութում ասել է Ռուբինյանը։

Ավելի վաղ Լեռնային Ղարաբաղի անվտանգության խորհրդի նախկին քարտուղար Վիտալի Բալասանյանը հայտարարել էր, թե աշխարհաքաղաքական քարտեզը փոխվելու է, Հայաստանը պետք է լավ հարաբերություններ պահպանի Իրանի հետ և լինի Միութենական պետության կազմում․ «Չգիտեմ անունը ինչ կդնեն, բայց այնպես, ինչպես եղել է Խորհրդային Միությունը»,- ասել էր Բալասանյանը։

Հռոմի պապ Լևոն 14-րդն անդրադարձել է Մերձավոր Արևելքում տիրող իրավիճակին՝ շեշտելով, որ Իրանից և ողջ Մերձավոր Արևելքից խորը մտահոգություն առաջացնող լուրեր են շարունակում հասնել։
«Արմենպրես»-ի փոխանցմամբ՝ այս մասին հայտնել է Vaticannews-ը։
«Իրանից և ամբողջ Մերձավոր Արևելքից շուրանակում են խորը մտահոգություն առաջացնող լուրեր հասնել։ Աղետալի բռնության և ավերածության դեպքերին, պառակտվածվածության և ատելության մթնոլորտին ավելանում է նաև այն վախը, որ հակամարտությունը կարող է տարածվել, և տարածաշրջանի այլ երկրներ, որոնց թվում սիրելի Լիբանանը, կարող են մխրճվել անկայունության մեջ։ Մեր խոնարհ աղոթքը բարձրացենք Տիրոջը, որպեսզի դադարեն ռումբերի ձայները, լռեն զենքերը և բացվի երկխոսության դաշտ, որտեղ հնարավոր կլինի լսել ժողովուրդների ձայները»,- ասել է Հռոմի պապը։

Նորվեգիայի ոստիկանությունը չի բացառել, որ մարտի 8-ի առավոտյան Օսլոյում ԱՄՆ դեսպանատան շենքի մոտ տեղի ունեցած պայթյունը կարող է ահաբեկչության հետևանք լինել։
Այս մասին գրում է CNN-ը։
Նշվում է, որ պայթյունը տեղի է ունեցել ամբողջ աշխարհում ԱՄՆ դեսպատների և հյուպատոսությունների անվտանգության մակարդակի բարձրացման ֆոնին՝ պայմանավորված Իրանի դեմ ԱՄՆ-ի և Իսրայելի սկսած ռազմական գործողություններով, ինչի հետևանքով իրավիճակը Մերձավոր Արևելքում գնալով սրվում է։
Լրատվամիջոցը գրում է, որ Իրանը պատասխան հարվածներ է հասցնում Պարսից ծոցի երկրներում ԱՄՆ-ի դիվանագիտական շենքերին՝ միևնույն ժամանակ շեշտելով՝ հայտնի չէ, թե արդյոք Օսլոյում տեղի ունեցած պայթյունը որևէ կերպ կապված է Մերձավոր Արևելքում տեղի ունեցող իրադարձությունների հետ։
Նորվեգիայի ոստիկանության համատեղ հետաքննության և հետախուզության ստորաբաժանման ղեկավար Ֆրոդե Լարսենն ասել է․ «Բնական է սա դիտարկել ներկայիս անվտանգության իրավիճակի համատեքստում, և որ դա նպատակային հարձակում է ամերիկյան դեսպանատան դեմ։ Բայց մենք չենք սահմանափակվել միայն այդ մեկ վարկածով»։
Հարցին, թե արդյոք պայթյունը կապվա՞ծ է ահաբեկչության հետ, Լարսենը պատասխանել է. «Վարկածներից մեկն այն է, որ դա ահաբեկչություն է, բայց ոստիկանությունը միայն այդ վարկածով չի սահմանափակվում։
Նորվեգիայի իշխանությունները հայտնել են, որ շարունակում են որոնել մեղավորներին։ Նրանք տեղեկացրել են, որ տարածքում այլ պայթուցիկ սարքեր չեն հայտնաբերվել։
Նշվում է նաև, որ պայթյունի հետևանքով տուժածներ չկան, թեթև վնասվել է դեսպանատան շենքը։

Աբու Դաբիում Հայաստանի դեսպանության և Դուբայում գլխավոր հյուպատոսության կողմից Մարտի 8-ին կազմակերպվել և իրականացվել է ՀՀ 54 (համապատասխանաբար՝ 15 և 39) քաղաքացու անվճար տեղափոխումն Օման:
«Արմենպրես»-ի փոխանցմամբ՝ այս մասին հաղորդագրություն է տարածել ՀՀ արտաքին գործերի նախարարությունը։
«ԱՄԷ-Օման սահմանին ՀՀ քաղաքացիներին դիմավորել է Օմանում ՀՀ դեսպանության դիվանագետը՝ ապահովելով սահմանի անցման դյուրացում և տեղափոխում Մասկատի օդանավակայան:
Մասկատ-Երևան թռիչքը նախատեսված է այսօր ուշ երեկոյան:
Մարտի 8-ի առավոտյան դրությամբ՝ ԱՄԷ-ում ՀՀ դեսպանության կողմից տեղադրված՝ ԱՄԷ-ում մնացած ՀՀ քաղաքացիների հայտարարության ցանկում գրանցված է 95 քաղաքացի»,- ասված է հաղորդագրության մեջ։

Կանանց միջազգային օրվա առթիվ Հայաստանի ներքին գործերի նախարարության փրկարար ծառայության և Ոստիկանության ծառայողները մայրաքաղաքում և բոլոր մարզերում շնորհավորել են կանանց՝ փոխանցելով գարնանային ջերմություն և ուշադրություն։
«Արմենպրես»-ի փոխանցմամբ՝ այս մասին հաղորդագրություն է տարածել ՀՀ ներքին գործերի նախարարությունը։

Հայաստանի վարչապետ Նիկոլ Փաշինյանը Սպիտակի Սուրբ Հարություն եկեղեցում մասնակցել է պատարագի։
«Արմենպրես»-ի փոխանցմամբ՝ այդ մասին Նիկոլ Փաշինյանը գրել է «Ֆեյսբուք»-ի իր էջում։
«Սպիտակի Սուրբ Հարություն եկեղեցում մասնակցեցի սուրբ եւ անմահ պատարագի»,- գրել է Փաշինյանը։