Category: Armen Press

Ադրբեջանի Շեմախի շրջանում 4.7 մագնիտուդ ուժգնությամբ երկրաշարժ է գրանցվել
Այս մասին հայտնում են ադրբեջանական լրատվամիջոցները՝ հղում կատարելով երկրի ​​սեյսմոլոգիական կենտրոնի երկրաշարժերի հետազոտությունների բյուրոյին։
Նշվում է, որ երկրաշարժը գրանցվել է տեղական ժամանակով ժամը 15:52-ին, իսկ էպիկենտրոնը գտնվել է 12 կիլոմետր խորության վրա։ Երկրաշարժի ուժգնությունը էպիկենտրոնում կազմել է մինչև 5 մագնիտուդ, իսկ մոտակա տարածքներում գրանցվել է մոտ 3-4 մագնիտուդով ցնցում։
Տեղական ժամանակով ժամը 16։05-ին գրանցվել է նաև երկրորդ երկրաշարժը՝ 3,3 մագնիտուդով։
Զոհերի կամ վիրավորների մասին տեղեկություններ չեն հաղորդվել։

Իսպանիայում Հայաստանի Հանրապետության դեսպան Սոս Ավետիսյանի նախաձեռնությամբ Մադրիդի Կոմպլուտենսե համալսարանում Հայաստանի և Ադրբեջանի միջև խաղաղության գործընթացի, ինչպես նաև TRIPP նախաձեռնության վերաբերյալ կոնֆերանս է անցկացվել։
Այս մասին հաղորդագրություն է տարածել Իսպանիայում ՀՀ դեսպանությունը։
Նշվում է, որ հանդիպման ընթացքում դեսպանը ներկայացրել է բանակցությունների ներկա առաջընթացը՝ ընդգծելով Հայաստանի հանձնառությունը տարածաշրջանում կայուն և երկարատև խաղաղության հասնելուն։
Կոնֆերանսի ընթացքում դեսպան Սոս Ավետիսյանը նաև պատասխանել է լսարանի հարցերին։

Կանադա-Եվրասիական առևտրատնտեսական պալատը (CECTE) և Հայաստանի հանքարդյունաբերության և մետալուրգիայի ասոցիացիան (ՀՀՄԱ) փետրվարի 26-ին Երևանում ստորագրեցին փոխըմբռնման հուշագիր, իսկ Զանգեզուրի պղնձամոլիբդենային կոմբինատը դարձավ պալատի անդամ։

Հայաստանի անվտանգության խորհրդի գրասենյակը մանրամասներ է ներկայացրել փետրվարի 27-ին վարչապետ Նիկոլ Փաշինյանի գլխավորությամբ կայացած Անվտանգության խորհրդի նիստի վերաբերյալ։
ՀՀ անվտանգության խորհրդի գրասենյակն այդ մասին հաղորդագրություն է տարածել։

«Վարչապետ Նիկոլ Փաշինյանի գլխավորությամբ կայացել է Անվտանգության խորհրդի հերթական նիստը։
Նիստին, Անվտանգության խորհրդի անդամներից բացի, մասնակցել են նաև Հանրապետության նախագահ Վահագն Խաչատուրյանը և Ազգային ժողովի նախագահ Ալեն Սիմոնյանը։
Նիստի ընթացքում անդրադարձ է կատարվել Հայաստանի Հանրապետության Զինված ուժերի բարեփոխումների ընթացքին, ՀՀ-ի դեմ կիրառվող հիբրիդային սպառնալիքներին հակազդման միջոցառումներին, ինչպես նաև առցանց հարթակներում, այդ թվում՝ սոցիալական ցանցերում, երեխաների պաշտպանությանն առնչվող հարցերին»,- ասված է հաղորդագրության մեջ:
Ավելի վաղ ՀՀ վարչապետ Նիկոլ Փաշինյանը «Ֆեյսբուք»-ի իր էջում գրել էր, որ փետրվարի 27-ին տեղի է ունեցել ՀՀ անվտանգության խորհրդի նիստ։

ԱՄՆ առաջին տիկին Մելանյա Թրամփը Նյու Յորքում կնախագահի ՄԱԿ-ի անվտանգության խորհրդի մարտի 2-ի նիստը. սա համընկնում է ԱՄՆ-ի կողմից Խորհրդի նախագահության ստանձնման հետ։

«Միասնության թևեր» քաղաքական նախաձեռնության ղեկավար Արման Թաթոյանն ու «Հայաքվե» ազգային քաղաքացիական միավորման համակարգող Ավետիք Չալաբյանը փետրվարի 27–ին ստորագրել են համագործակցության հուշագիր։

Հայաստանի պաշտպանության նախարարությունը հայտարարություն է տարածել նախարարության կարիքների համար գաղտնի ընթացակարգով իրականացվող գնումների վերաբերյալ

Հայաստանի պաշտպանության նախարարությունը դեռևս 2025 թվականի հուլիսին ՊՆ պաշտոնական www.mil.am կայքում հրապարակել է հայտարարություն, որով տեղեկացրել է, որ 2026 թվականից սկսած՝ ՀՀ պաշտպանության նախարարության կարիքների համար գաղտնի ընթացակարգով իրականացվող գնումների հրավերները «Պետական գաղտնիքի մասին» ՀՀ օրենքի 16-րդ հոդվածով սահմանված կարգով տրամադրվելու են միայն նախաորակավորված այն ընկերություններին, որոնք ունեն գաղտնի տեղեկությունների կիրառմամբ աշխատանքներ կատարելու իրավունք, իսկ նրանց համապատասխան աշխատակիցները՝ այդ տեղեկություններին առնչվելու թույլտվություն։ Հաշվի առնելով, որ ՀՀ պաշտպանության նախարարությունը մշտապես ձեռնարկել և ձեռնարկում է միջոցներ իր կարիքների համար գնման գործընթացները մրցակցային, թափանցիկ, ոչ խտրական հիմունքներով կազմակերպելու համար և խրախուսում է մասնակիցների շրջանակի հնարավորինս ընդլայնումը՝ կրկին հորդորում ենք այն ընկերություններին, որոնք պատրաստվում են մասնակցել ՊՆ գնման գործընթացին և չունեն վերը նշված իրավունքը, ապահովել համապատասխան պայմաններ՝ գաղտնի աշխատանքների իրականացման համար, ինչպես նաև դիմել ՀՀ պաշտպանության նախարարություն՝ գաղտնի տեղեկությունների կիրառմամբ աշխատանքների կատարման իրավունք ստանալու նպատակով ՀՀ ԱԱԾ միջնորդություն ներկայացնելու համար։ Գաղտնի տեղեկությունների կիրառմամբ աշխատանքների կատարման իրավունք ձեռք բերելու գործընթացի վերաբերյալ մանրամասն տեղեկություններ ստանալու համար կարող եք դիմել ՀՀ պաշտպանության նախարարություն՝ զանգելով հետևյալ հեռախոսահամարներով՝ 010 29 44 18, 010 29 43 53, 010 66 24 94:

Հայաստանի ֆուբոլի բարձրագույն խմբի առաջնության՝ Fastex Պրեմիեր լիգայի 16-րդ տուրի բոլոր հանդիպումները հետաձգվել են։
«Արմենպրես»-ի փոխանցմամբ՝ այս մասին հայտնել է Հայաստանի ֆուտբոլի ֆեդերացիան։

Կանադայի վարչապետ Մարկ Քարնին փետրվարի 27-ին առաջին անգամ պաշտոնական այցով մեկնում է Հնդկաստան՝ հույս ունենալով վերականգնել երբեմնի անկայուն հարաբերությունները։ Արտասահմանյան ուղևորության շրջանակում Քարնին նաև կմեկնի Ավստրալիա և Ճապոնիա։

Անվտանգության խորհրդի հերթական նիստը