Category: Infocom

Չինական ծագման «փափուկ ուժը» Հայաստանում. Սոցիալ-տնտեսական ուսումնասիրությունների հայկական կենտրոն
Չինաստանը արագ տեմպերով ավելացնում է իր ներկայությունը Հայաստանում «փափուկ ուժի» գործիքներով, ինչը վկայում է այն մասին, որ Չինաստանը մեր երկրի հետ կապված հեռուն գնացող նպատակներ ունի։
Նախորդ տասնամյակում Չինաստանը սկսել է ինտենսիվորեն կիրառել փափուկ ուժի (soft power) քաղաքականությունը՝ հատկապես դրա մշակութային և կրթական բաղադրիչները։ Հայաստանում, մասնավորապես, տպավորիչ են չինական կրթական նախաձեռնությունները։
#գործընկերային_բովանդակություն

❗️«Այս իշխանությունները ցանկացած գնով լռեցնում են այլ քաղաքական դիրքորոշում հայտնող մարդկանց, ընդհուպ մինչև մեկուսացնելը, էս պարագայում Վարդան Ղուկասյանին մեկուսացրել են», — այս մասին լրագրողների հետ զրույցում ասել է ՀՀ 3-րդ նախագահ Սերժ Սարգսյանը, նշելով՝ «իշխանությունները 0 հանդուրժողականություն ունեն այլակարծության հանդեպ»։
📌 Պատասխանելով լրագրողների հարցերին այն մասին, որ թեև Ալիևը հայտարարել է հայկական տարանցիկ բեռների վրայից սահմանափակումները հանելու մասին, սակայն ինչպե՞ս է հաստատվելու Ադրբեջանի հետ խաղաղությունը, Սերժ Սարգսյանը ասաց, որ եթե խաղաղությունը մշտական լինի, նա խաղաղության մեջ միայն լավն է տեսնում․ «Իսկ վտանգաներ բոլոր տեղերում կան։ Կախված նրանից, թե ով է որոշում կայացնողը, այդ վտանգները կա՛մ իրականություն են դառնում, կա՛մ շրջանցում են»։
🗣 Անդրադառնալով Ալիևի՝ հայկական տարանցիկ բեռների վրայից սահմանափակումները հանելու մասին հայտարարությանը, ՀՀ 3-րդ նախագահն ասաց, թե չի կարծում՝ դա հացահատիկ ներկրելու ամենահարմարավետ, էժան ու կարճ տարբերակն է․ «Եթե այդպիսի բան կա, բացարձակապես դեմ չեմ, եթե հացահատիկի որակը լավն է, եթե հացի գինը էժանանացնելու է, ես միայն ուրախ կլինեմ»,–ասաց նա։ |news.am|

⚖️ ՀՀ երկրորդ նախագահ Ռոբերտ Քոչարյանը երրորդ նախագահ Սերժ Սարգսյանի գործով վկա է: Այս մասին այսօր դատարանում հայտնեց հանրային մեղադրող Գորիկ Հովակիմյանը:
📌 Նշենք, որ Սերժ Սարգսյանին առնչվող գործերը վերաբերում են Սիլվա Համբարձումյանից կաշառք ստանալուն և Սարգսյանի Պաշտպանության նախարար եղած ժամանակ Իսակովի պողոտայում գտնվող, ՊՆ-ին պատկանող հողերն օտարելուն: Իսակովի հողերը օտարելու ժամանակահատվածում ՀՀ նախագահը եղել է Ռոբերտ Քոչարյանը: Նա հենց այս դրվագով է վկա: Քոչարյանից բացի Իսակովի պողոտայի գործով վկա են նաև ՌԴ-ում ՀՀ դեսպան Գուրգեն Արսենյանը, Սերժ Սարգսյանի անվտանգության ծառայության նախկին պետ Վաչագան Ղազարյանը, որոնք ևս պետք է գան դատարան՝ ցուցմունք տալու: |factor.am|

🇪🇺💬 Հարավային Կովկասի հարցերով ԵՄ հատուկ ներկայացուցիչ Մագդալենա Գրոնոն գոհունակություն է հայտնել Հայաստանի և Ադրբեջանի միջև խաղաղության գործընթացում վերջին դրական քայլերի առնչությամբ։ 
🗣 «Շատ ոգևորված եմ Ադրբեջան-Հայաստան խաղաղության գործընթացում վերջին դրական քայլերի շարքով, այդ թվում՝ Ադրբեջանի հայտարարությունը իր տարածքով դեպի Հայաստան ապրանքների տարանցման սահմանափակումները վերացնելու մասին»,- X-ում գրել է նա։ |armenpress.am|

🇺🇸 Ամերիկյան զորք Գազայում չի լինի՝ ԱՄՆ փոխնախագահ Ջեյ Դի Վենսն է հայտարարել։
🗣 Իսրայելի հարավ՝ հրադադարի համակարգման ամերիկաիսրայելական կենտրոն այցի ժամանակ Վենսը հայտնել է, որ Միացյալ Նահանգները համակարգելու է խաղաղությանն ուղղված աշխատանքները, քանի որ ոչ մեկը, բացի ԱՄՆ-ից, չի կարող միջնորդի դեր տանել Ծոցի երկրների, Իսրայելի, Թուրքիայի ու Ինդոնեզիայի միջև։
‼️ Չնայած վերոնշյալ կենտրոնում էին նաև Բրիտանիայից, Կանադայից, Գերմանիայից, Դանիայից և Հորդանանից ժամանած զինվորականներ, դեռևս պարզ չէ, թե որ երկրները կհամաձայնեն զինված ուժեր ուղարկել Գազա ՄԱԿ-ի մանդատով միջազգային կայունացման ուժերի կազմում, ինչի ձևավորման շուրջ քննարկումը դեռևս նախնական փուլում է։ |timesofisrael.com|
🖇 Կարդալ ավելին

🗣 «Արթուր Թարխանյան կենտրոնը» տարածել է հայտարարություն Հայաստանի ճարտարապետների պալատի անունից, որը չի համապատասխանում իրականությանը։ Այս մասին հայտարարություն է տարածել Հայաստանի ճարտարապետների պալատը։

❗️«Հակառակը՝ Պալատի խորհրդում քննարկումների արդյունքում կայացվել է սկզբունքային որոշում՝ ձեռնպահ մնալ հարցի հանրայնացումից՝ համարելով այդ ճանապարհն անարդյունավետ, իսկ մասնագիտական տարակարծությունների քննարկումները շարունակել։
🔸 Եղեռնի հուշարձանի վերանորոգման աշխատանքների վերաբերյալ […] Պալատի դիմումի հիման վրա հրավիրվել է ԿԳՄՍ նախարարության գիտամեթոդական խորհրդի արտահերթ ընդլայնված նիստ, որին մասնակցել են Պալատի խորհրդի հինգ անդամներ, այդ թվում՝ Անահիտ Թարխանյանը։ Քննարկման արդյունքում որոշվել է շինարարական աշխատանքները ժամանակավորապես դադարեցնել՝ շինհրապարակի պատշաճ կահավորման և աշխատանքների անվտանգության ապահովման նպատակով […]։ Պալատը շարունակելու է իր հանձնառությունը՝ մասնագիտական հարցերի վերջնական պարզաբանման և անհրաժեշտ շտկումների իրականացման ուղղությամբ»,- ասված է Պալատի հայտարարության մեջ։
📌 «Արթուր Թարխանյան կենտրոնը» հայտարարություն էր տարածել՝ կոչ անելով «անհապաղ դադարեցնել «Հայոց ցեղասպանության» հուշարձանի ներկայիս վերականգնման աշխատանքները, ստեղծել նոր մասնագիտական խումբ։ Հայտարարությունը ստորագրել էին Ճարտարապետների պալատի հարյուրից ավելի անդամներ։

⚖️ ՄԻԵԴ-ը երեկ որոշում է կայացրել Արցախում զինված հարձակման մեջ մեղադրվող Կարեն Ավանեսյանի գործով՝ կիրառելով հրատապ միջոց: Փաստաբաններ Արա Ղազարյանն ու Անաստասիա Մակարյանը, հաշվի առնելով […], որ կարող են վտանգի տակ դրվել Ավանեսյանի կյանքն ու առողջությունը, սեպտեմբերի 17-ին դիմում են ուղարկել ՄԻԵԴ, որպեսզի Դատարանը Ադրբեջանին պարտավորեցնի պաշտպանության տակ վերցնել Ավանեսյանի կյանքն ու առողջությունը, ապահովել արտաքին աշխարհի հետ կապը՝ հնարավորություն տալով զանգահարել իր միակ քրոջը և Երևանում գտնվող փաստաբաններին:
📌 Ադրբեջանի ՆԳՆ-ն 2025թ. սեպտեմբերի 14-ին հայտնել էր, որ Ստեփանակերտում ձերբակալվել է Կարեն Ավանեսյան անունով հայազգի բնակիչ: Նշվում էր, թե նա ինքնաձիգով փորձել է մոտենալ Ստեփանակերտում անցկացվող միջոցառման վայրին և զինված դիմադրություն է ցույց տվել (այդ օրն Ալիեւը գնացել էր Արցախ): Ըստ ադրբեջանական աղբյուրների՝ Ավանեսյանը հրազենային վնասվածք է ստացել պատասխան կրակի հետևանքով ու ձերբակալվել:
🇦🇿 Ադրբեջանը ՄԻԵԴ է ուղարկել դիմումի պատասխան, թե Ավանեսյանի կյանքին ու առողջությանը վտանգ չի սպառնում, կցել են նաեւ լուսանկարներ, որոնք, սակայն, կասկած են հարուցել հայ փաստաբանների մոտ․ նրանք կարծում են, որ լուսանկարները բեմականացված են, ինչպես ամբողջ պատմությունը։ |hetq.am|
Կարդալ ավելին