Author: Vahe Aghajanyan

Երբ մենք խոսում ենք նրա մասին, որ ոստիկանությունում կամ քննչականում ծեծելով ու քֆուր տալով ցուցմունք կորզել չպետք է լինի, շատերին, հատկապես «քաղաքականությամբ չզբաղվողներին» թվում է, թե այս հարցը ևս իրենց հետ կապ չունի, մեկ է` ջայլամի պես ապրում են, բայց ոստիկանությունում հայտնվելուց ոչ մեկ ապահովագրված չէ ու այնտեղ ամենաանպաշտպանը հենց նրանք են, ովքեր ջայլամի պես են ապրել:
Երբ մենք հրապարակային խոսում ենք այդ և շատ այլ հարցերի մասին, շատ ռիսկերի տակ ենք մտնում, բայց դա նաև այդ ջայլամների համար ենք անում, որոնք իրենց չհասկացողի տեղ դրած ապրում են:
Մենք այն վիճակում չենք, որ «ամեն մեկս մեր գործը լավ անենք, ամեն ինչ լավ կլինի», սա էլ է հերթական տխմար միտքը, որը շատ եմ լսում: Մենք խնդիրներ ունենք մեր երկրում ու մեր գործը լավ անելուն զուգահեռ նաև այդ խնդիրների լուծման մասին պետք է մտածենք:
Մի եղիր ջայլամ, այս երկիրը նաև քոնն է:

Շատ հետաքրքիր ու խորը զրույց է` ամենատարբեր, այդ թվում` քաղաքական թեմաներով: Խորհուրդ կտամ դիտել:
Առիթից օգտվելով` շատ ուրախ եմ, որ Հրանտ Թոխատյանը բուժվել է ու վերադարձել ինչպես Հայաստան, այնպես էլ բեմ: Առողջություն և երկար տարիների կյանք մեր սիրելի Թոխատյանին:
https://youtu.be/w5ijWeiSXLo?si=-9l8DrrnekZfxcwx

Հակոբ Բադալյանը ճիշտ դիտարկումներ է կատարում ու իսկապես կարևոր է, որ հենց «Մեր Ձևովում» էլ լինի այն ընկալումը, որ նման հարցադրումները, թեկուզ քննադատությունները առաջին հերթին հենց իրենց են պետք, որովհետև այսօր առողջ ընդդիմադիր դաշտը, առողջ մարդիկ չեն ցանկանում, որ Սամվել Կարապետյանը տապալվի քաղաքականության մեջ։

Ի՞նչ դասեր պետք է քաղեն «Մեր Ձևովում» աղմուկ հանած վերջին դեպքից հետո
Ա. Սամվել Կարապետյանի որդին քաղաքական առումով միայն վնաս է տալիս թիմին ու ժամանակն է բաց խոսել սրա մասին: Ակնհայտ է, որ քաղաքական փորձառության բացակայությունն է պատճառը: Գուցե, կարիք կա քննարկել նրան առժամանակ հրապարակային խոսքով հանդես չգալու խնդրանքով դիմելու հարցը:
Բ. Թիմի ներսում պետք է ստեղծվի մարմին, որը կհսկի տեղեկատվական ու քարոզչական մասը: Այսինքն, մարդիկ, որոնք հասկանում են մեդիայից ու քարոզչությունից, պետք է ունենան լիազորություններ ինչ-որ բան եթեր տալ-չտալու կամ տալուց հետո հեռացնելու: Պետք է նշանակվեն հստակ պատասխանատուներ` ամեն ուղղությամբ:
Գ. Ամեն ինչ կառուցված է Սամվել Կարապետյանի անվան շուրջ: Եթե հնարավոր չէ օգուտ տալ, առնվազն չպետք է վնասել, իսկ «Մեր Ձևովում» կան մարդիկ, որոնք իրենց տարբեր ելույթներով ընդհանուր գործին վնասում են ու խոսքը միայն Սարգիսի մասին չէ:
Վստահ եմ` գրառումս ճիշտ կընկալվի, նպատակս սխալ թույլ տվածին հարվածելը չէ, այլ նման սխալներ թույլ տալը բացառելու լուծումը ներկայացնելը: Առջևում քարոզչության թեժ փուլն է, որին պետք է լինել մաքսիմալ պատրաստ, քանի որ այդ ժամանակ սխալները կարող են որոշիչ լինել:

Վարորդների համար դժվա՞ր է կռահելը կամ հասկանալը, որ եթե ձախ եզրային գոտում գտնվող մեքենան կանգնել է հետիոտնային անցումի դիմաց, ապա անենայն հավանականությամբ` անցնում է հետիոտն, որին պետք է զիջել, այլ ոչ թե կենտրոնական գծով բարձր արագությամբ անցնել։
Այսօր հերթական նման դեպքին ականատես եղա, երբ հետիոտնը պարզապես մազով պրծավ նման մի մեքենայի տակ ընկնելուց։
Ամեն տխմար այսօր մի մեքենայով նետվում է փողոց ու փորձանք է դառնում մարդկանց համար։ Որ իրենց գլուխը ուտեն, ջհանդամ, բայց նմանների պատճառով անմեղ մարդիկ են տուժում։

Ասելիք ունեցող լուսանկար։ Պարտադիր տարեք ձեր երեխաներին Եռաբլուր ու բացատրեք այդ վայրի նշանակությունը, խորհուրդը, որպեսզի մեծանան հայրենասիրական ոգով, դառնան ՀԱՅՐԵՆԻՔԻՆ արժանի զավակներ։
Ամեն ինչ այսպես չի մնալու ու մենք ՈՒԺԵՂ ՀԱՅԱՍՏԱՆ ենք ունենալու !

Կարապետյան Նարեկի ու Պետրոսի հարցազրույցի մասով էլ ասելիք կա, տարբերվող ասելիք կա, բայց դա թողնենք մի քիչ էյֆորիկ տրամադրությունները հանգստանան ընդդիմության ներսում, որ կարողանան ընկալել մեր վարկածը։

Սամվել Կարապետյանն ու նրա թիմը պետք է հստակ «Պլան Բ» ունենան այն դեպքում, եթե Նիկոլ Փաշինյանի որոշմամբ իրենց ուժին չգրանցեն ընտրություններին մասնակցության համար կամ գրանցեն, բայց քարոզարշավի կեսից չեղարկեն գրանցումը, ինչը ավելի հավանական է։
Կա՞ տարբերակ անելու այնպես, որ Փաշինյանը վախենա նման քայլի գնալուց։ Իհարկե, կա։ Ամեն դեպքում, պետք է գլխում ունենալ մի քանի սցենար ու պատրաստ լինել ամեն ինչի։
Տեղեկացնեմ Սամվել Կարապետյանին, որ ընդդիմադիր դաշտում բազմաթիվ ուժեր ատամները սրած սպասում են հենց նրան, որ Փաշինյանը չի գրանցի Կարապետյանին, որպեսզի իրենք կարողանան «փախցնել» այդ ձայները ու իրենց տեղը ունենալ «արևի տակ»։