Category: Armen Press

«Մայր Հայաստան» կուսակցության նախագահ, «Բարգավաճ Հայաստան» կուսակցության պատգամավորի թեկնածու, նախընտրական ցուցակի երկրորդ համար Անդրանիկ Թևանյանի նկատմամբ խափանման միջոցի հարցով դատական նիստն ավարտվել է։ 
«Արմենպրես»-ի փոխանցմամբ՝ Թևանյանի խափանման միջոցի վերաբերյալ դատարանի որոշումը կհրապարակվի մայիսի 23-ին, ժամը 21։00-22:00-ի սահմաններում։

Միջազգային հանրապետական ինստիտուտի նոր հարցման մասնակիցների մեծ մասն ասել է, որ պատրաստվում է մասնակցել հունիսի 7-ին Հայաստանում կայանալիք խորհրդարանական ընտրությունների քվեարկությանը։
«Արմենպրես»-ի փոխանցմամբ՝ հարցին, թե որքանո՞վ է հավանական, որ կմասնակցեք  հունիսի 7-ին կայանալիք խորհրդարանական ընտրությունների քվեարկությանը, մասնակիցների 79 տոկոսը պատասխանել է, որ մեծ հավանականությամբ կմասնակցի քվեարկությանը, 13 տոկոսը պատասխանել է, որ ավելի շուտ կմասնակցի, 3 տոկոսը՝ ավելի շուտ չի մասնակցի, 5 տոկոսը՝ չի մասնակցի, 5 տոկոսը՝ չգիտի կամ հրաժարվել է պատասխանել։
Միջազգային հանրապետական ինստիտուտի նախորդ՝ 2026 թվականի փետրվարին անցկացված հարցման մասնակիցների 68 տոկոսն ասել էր, որ մեծ հավանականությամբ կմասնակցի  քվեարկությանը, 16 տոկոսն ասել էր, որ ավելի շուտ կմասնակցի, 6 տոկոսը՝ ավելի շուտ չի մասնակցի, 9 տոկոսը՝ չի մասնակցի, 1 տոկոսն էլ չգիտի կամ հրաժարվել է հարցին պատասխանել։
Հայաստանում խորհրդարանական հերթական ընտրությունները տեղի կունենան հունիսի 7-ին։ Նախընտրական քարոզարշավը մեկնարկել է մայիսի 8-ից և կշարունակվի մինչև հունիսի 5-ը։ Ընտրություններին մասնակցելու համար գրանցվել է 19 քաղաքական ուժ՝ 2 դաշինք և 17 կուսակցություն։
Հայաստանի ներքին գործերի նախարարության միգրացիայի և քաղաքացիության ծառայության կողմից ՀՀ կենտրոնական ընտրական հանձնաժողովին տրամադրած տվյալների համաձայն՝ առաջիկա ընտրություններում քվեարկելու իրավուն ունի 2 միլիոն 489 հազար 31 մարդ։

Միջազգային հանրապետական ինստիտուտը հրապարակել է  հարցման նոր տվյալներ Հայաստանում ամենավստահելի կառույցների վերաբերյալ
Հարցման մասնակիցների մեծամասնության համար ամենավստահելի կառույցը հայկական բանակն է։
Հարցման արդյունքները՝ ստորև.
Զինված ուժեր-49 տոկոս՝ շատ գոհ, 28 տոկոս՝ ավելի շուտ գոհ, 9 տոկոս՝ ավելի շուտ դժգոհ, 10 տոկոս՝ շատ դժգոհ, 4 տոկոս՝ հրաժարվել է պատասխանել։
Մարզպետարաններ-35 տոկոս՝ շատ գոհ, 37 տոկոս՝ ավելի շուտ գոհ, 12 տոկոս՝ ավելի շուտ դժգոհ, 8 տոկոս՝ շատ դժգոհ, 9 տոկոս՝ հրաժարվել է պատասխանել։  
Ոստիկանություն-33 տոկոս՝ շատ գոհ, 37 տոկոս՝ ավելի շուտ գոհ, 13 տոկոս՝ ավելի շուտ դժգոհ, 15 տոկոս, շատ դժգոհ, 4 տոկոս՝ հրաժարվել է պատասխանել։
Տեղական ինքնակառավարման մարմիններ-30 տոկոս՝ շատ գոհ, 38 տոկոս՝ ավելի շուտ գոհ, 14 տոկոս՝ ավելի շուտ դժգոհ, 13 տոկոս՝ շատ դժգոհ, 5 տոկոս՝ հրաժարվել է պատասխանել։
Հայ Առաքելական եկեղեցի-40 տոկոս՝ շատ գոհ, 27 տոկոս՝ ավելի շուտ գոհ, 11 տոկոս ավելի շուտ դժգոհ, 14 տոկոս՝ շատ դժգոհ, 9 տոկոս՝ հրաժարվել է պատասխանել։
Վարչապետի աշխատակազմ-31 տոկոս՝շատ գոհ, 32 տոկոս՝ ավելի շուտ գոհ, 10 տոկոս՝ ավելի շուտ դժգոհ, 23 տոկոս՝ շատ դժգոհ, 5 տոկոս՝ հրաժարվել է պատասխանել։  
Կենտրոնական ընտրական հանձնաժողով-21 տոկոս՝ շատ գոհ, 31 տոկոս՝ ավելի շուտ գոհ, 10 տոկոս՝ ավելի շուտ դժգոհ, 10 տոկոս՝ շատ դժգոհ, 28 տոկոս՝ հրաժարվել է պատասխանել։
Երևանի քաղաքապետարան-18 տոկոս՝ շատ գոհ, 29 տոկոս՝ ավելի շուտ գոհ, 18 տոկոս՝ ավելի շուտ դժգոհ, 33 տոկոս՝ շատ դժգոհ, 2 տոկոս՝ հրաժարվել է պատասխանել։
Դատարաններ-13 տոկոս՝ շատ գոհ, 31 տոկոս՝ ավելի շուտ գոհ, 17 տոկոս՝ ավելի շուտ դժգոհ, 21 տոկոս՝ շատ դժգոհ, 18 տոկոս՝ հրաժարվել է պատասխանել։
Հարցումն անցկացվել է հեռախոսազանգերի միջոցով, մայիսի 5-11-ը։

Հայաստանում կայանալիք խորհրդարանական ընտրություններին ընդառաջ՝ Մարդու իրավունքների պաշտպանը՝ որպես «Հաշմանդամություն ունեցող անձանց իրավունքների մասին» ՄԱԿ կոնվենցիայի դրույթների կիրառության մշտադիտարկում, ինչպես նաև հաշմանդամություն ունեցող անձանց իրավունքների խախտումների կանխարգելում և պաշտպանություն իրականացնող անկախ պաշտոնատար անձ, սկսել է ընտրատեղամասեր այցերի իրականացումը՝ հաշմանդամություն ունեցող անձանց համար ընտրական գործընթացների մատչելիությունը մշտադիտարկելու նպատակով:

Հայաստանում հունիսի 7-ին կայանալիք խորհրդարանական ընտրությունների նախընտրական քարոզարշավի շրջանակում մայիսի 23-ին արձակուրդում գտնվող ՀՀ վարչապետ, «Քաղաքացիական պայմանագիր» կուսակցության վարչության նախագահ Նիկոլ Փաշինյանն այցելել է Երևանի Ավան վարչական շրջան։
«Արմենպրես»-ի հաղորդմամբ՝ Փաշինյանի գլխավորությամբ կուսակցության ներկայացուցիչները շրջել են Ավանում, թռուցիկներ են բաժանել, լուսանկարվել բնակիչների հետ և հորդորել անպայման մասնակցել խորհրդարանական ընտրություններին։
«Պետք է  գնալ ընտրական տեղամասեր և տեր կանգնել խաղաղությանը՝ քվեարկելով 16 համարի օգտին։ Այդ քվեարկությունը չպետք է  և չի կարող լինել պարտադրված կամ վճարված։ Քվերակում ենք, որովհետև պետք է տեր լինել պետությանը, խաղաղությանն ու Հայաստանի ապագային»,-նշել է Փաշինյանը։
Իր ելույթում Փաշինյանը նշել է, որ Հայաստանում այսօր բոլոր դեպքերում որոշողը ժողովուրդն է։ «Սա այսօրվա Հայաստանի և իմ ու մեր թիմի քաղաքական գործունեության առանցքն է։ Որ պահին ժողովուրդը որոշեց, որ ես պետք է հեռանամ, նույն պահին ես կհեռանամ՝ առանց քննարկելու։ Եթե 700 հազար մարդ՝ ընտրողների 50+1 տոկոսը, ասել է՝ Նիկոլ մնա, Նիկոլը կմնա։ Եթե մարդիկ ասեն՝ Նիկոլ գնա, Նիկոլն ո՞վ է, որ չգնա, Նիկոլը ծառա է։ Այդպես լինո՞ւմ է, որ ծառան ասի՝ չէ, չեմ գնալու»,- ասել է Փաշինյանը։
Մայիսի 8-ին մեկնարկել է Հայաստանում հունիսի 7-ին կայանալիք խորհրդարանական ընտրությունների նախընտրական քարոզարշավը, որը կշարունակվի մինչև հունիսի 5-ը։ Ընտրություններին մասնակցելու համար գրանցվել է 19 քաղաքական ուժ՝ 2 դաշինք և 17 կուսակցություն։ 
«Քաղաքացիական պայմանագիր» կուսակցությունն ընտրություններին մասնակցում է 16 համարի ներքո՝ «Տե՛ր կանգնիր խաղաղությանը» կարգախոսով։ «Քաղաքացիական պայմանագիր» կուսակցությունը ԿԸՀ է ներկայացրել 283 թեկնածուից կազմված ընտրական ցուցակ, ինչպես նաև ազգային փոքրամասնությունների 10 թեկնածուից բաղկացած ցուցակ։ Կուսակցության վարչապետի թեկնածուն Նիկոլ Փաշինյանն է։

Միջազգային հանրապետական ինստիտուտը ներկայացրել է նոր հարցման տվյալներ Հայաստանում ամենավստահելի քաղաքական և հասարակական գործիչների մասին։
Միջազգային հանրապետական ինստիտուտը հարցման մասնակիցներին խնդրել է նշել իրենց համար ամենավստահելի 2 քաղաքական և հասարակական գործիչների անունները։
Հարցման արդյունքները՝ ստորև
Նիկոլ Փաշինյան (Հայաստանի վարչապետ, «Քաղաքացիական պայմանագիր կուսակցության վարչության նախագահ)-27 տոկոս՝ որպես առաջին պատասխան, 2 տոկոս՝ որպես երկրորդ պատասխան, ընդհանուր 29 տոկոս։
Սամվել Կարապետյան («Ուժեղ Հայաստան» դաշինքի առաջնորդ)-6 տոկոս՝ որպես առաջին պատասխան, 3 տոկոս՝ որպես երկրորդ պատասխան, ընդհանուր 9 տոկոս։
Արարատ Միրզոյան (Հայաստանի արտաքին գործերի նախարար)-1 տոկոս՝ որպես առաջին պատասխան, 4 տոկոս՝ որպես երկրորդ պատասխան, ընդհանուր 5 տոկոս։
Ռոբերտ Քոչարյան («Հայաստան» դաշինքի առաջնորդ)-2 տոկոս՝ որպես առաջին պատասխան, 2 տոկոս՝ որպես երկրորդ պատասխան, ընդհանուր 4 տոկոս։
Գագիկ Ծառուկյան («Բարգավաճ Հայաստան» կուսակցության նախագահ)-1 տոկոս՝ որպես առաջին պատասխան, 2 տոկոս՝ որպես երկրորդ պատասխան, ընդհանուր 3 տոկոս։
Ալեն Սիմոնյան (Հայաստանի Ազգային ժողովի նախագահ)-1 տոկոս՝ որպես առաջին պատասխան, 2 տոկոս՝ որպես երկրորդ պատասխան, ընդհանուր 3 տոկոս։  
Արամ Սարգսյան («Հանրապետություն կուսակցության նախագահ)-1 տոկոս՝ որպես առաջին պատասխան, 2 տոկոս՝ որպես երկրորդ պատասխան, ընդհանուր 3 տոկոս։
Գուրգեն Սիմոնյան («Հայաստանի շնորհապետական» կուսակցության նախագահ)-1 տոկոսը որպես առաջին պատասխան, 1 տոկոսё որպես երկրորդ պատասխան, ընդհանուր 2 տոկոս։
Արման Թաթոյան («Միասնության թևեր» կուսակցության նախագահ)-1 տոկոս՝ որպես առաջին պատասխան, 1 տոկոս՝ որպես երկրորդ պատասխան, ընդհանուր 2 տոկոս։
Հարցման մասնակիցների 6 տոկոսը որպես առաջին պատասխան տվել է այլ գործչի անուն, 8 տոկոսն էլ այլ գործչի անուն է տվել որպես երկրորդ պատասխան՝ ընդհանուր 14 տոկոս։
Հարցման մասնակիցների 40 տոկոսն ասել է, որ ոչ մեկի չի վստահում, իսկ 13 տոկոսը հրաժարվել է հարցին պատասխանելուց։
Հարցումն անցկացվել է հեռախոսազանգերի միջոցով, մայիսի 5-11-ը։

Չինաստանի հյուսիսային Շանսի նահանգի Ցինյուան ​​շրջանի ածխի հանքում գազի պայթյունի հետևանքով զոհերի թիվը հասել է 90-ի։
Ադ մասին մայիսի 23-ին հայտնել է Չինաստանի կենտրոնական հեռուստատեսությունը։
Ավելի վաղ հաղորդվել էր 82 հանքափորի մահվան և 9 անհետ կորածի մասին։
Գազի պայթյունը տեղի է ունեցել մայիսի 22-ին՝ տեղական ժամանակով ժամը 19:29-ին։ Հանքում եղել է 247 աշխատող։
Դեպքի վայրում որոնողական-փրկարարական աշխատանքները շարունակվում են, իրավասու մարմինները հետաքննում են պայթյունի պատճառները։

«Ռոսպոտրեբնադզոր»-ն այդ մասին հաղորդագրություն է տարածել։
Նշվում է, որ արգելքի տակ են ընկել «Վեդի Ալկո», «Աբովյանի կոնյակի գործարան», և «Շահնազարյան գինու-կոնյակի տուն» ընկերությունների արտադրած կոնյակներն ու գինիները։  
Մասնավորապես, արգելվել է «Գետափ Վերնաշեն» տեսակի կարմիր կիսաքաղցր գինու, «Վեդի Ալկո»-ի չոր սպիտակ գինու և «Շահնազարյան գինու-կոնյակի տուն» ընկերության 5 աստղանի կոնյակի վաճառքը։
Գերատեսչությունը պնդել է, որ նշված ընկերությունների արտադրանքը չի համապատասխանում պարտադիր պահանջներին։

Միջազգային հանրապետական ինստիտուտի սոցիոլոգիական նոր հարցման մասնակիցների մեծամասնությունը կարծում է, որ Հայաստանն ընթանում է ճիշտ ուղղությամբ։ 
Հարցին, թե արդյոք Հայաստանը ճի՞շտ ուղղությամբ է ընթանում, թե՞ սխալ, հարցման մասնակիցների 61 տոկոսը պատասխանել է, որ երկիրն ընթանում է ճիշտ ուղղությամբ, 28 տոկոսը համարում է, որ երկիրը սխալ ուղղությամբ է ընթանում, իսկ 11 տոկոսն ասել են, որ կամ չգիտեն կամ հրաժարվում են հարցին պատասխանելուց։ 
Ինստիտուտը ներկայացրել է նաև հարցման տվյալները՝ ըստ տարիքային խմբերի։
Այսպիսով՝ 18-35 տարեկան անձանց 54 տոկոսն ասել է, որ Հայաստանը ճիշտ ուղղությամբ է ընթանում, 33 տոկոսը՝ սխալ, 13 տոկոսը հրաժարվել է պատասխանելուց կամ չգիտի։
36-55 տարեկան անձանց 62 տոկոսը կարծիք է հայտնել, որ Հայաստանը ճիշտ ուղղությամբ է ընթանում, 26 տոկոսը՝ սխալ, 12 տոկոսն էլ հրաժարվել է պատասխանելուց կամ չգիտի։
56+ տարիքային խմբի անձանց 67 տոկոսն է կարծում, որ Հայաստանը ճիշտ ուղղությամբ է ընթանում, 24 տոկոսն այն կարծիքին է, որ երկիրն ընթանում է սխալ ուղղությամբ, 9 տոկոսը չգիտի կամ հրաժարվել է պատասխանից։
Միջազգային հանրապետական ինստիտուտը հարցման մասնակիցներին նույն հարցը տվել է նաև Հայաստանում կայանալիք առաջիկա խորհրդարանական ընտրություններին մասնակից քաղաքական ուժերի կողմից առաջարկվող քաղաքականության համատեքստում։ 
Մասնակիցների 95 տոկոսը կարծիք է հայտնել, որ Իշխող «Քաղաքացիական պայմանագիր» կուսակցությունն ընթանում է ճիշտ ուղղությամբ, 2 տոկոսը՝ սխալ, 3 տոկոսը չգիտի կամ հրաժարվել է հարցին պատասխանելուց։ 
Հարցման մասնակիցների միայն 9 տոկոսն է համարում, որ «Ուժեղ Հայաստան» դաշինքն ընթանում է ճիշտ ուղղությամբ, 83 տոկոսը պատասխանել է, որ կուսակցությունը սխալ ուղղությամբ է ընթանում, 8 տոկոսը չգիտի կամ հրաժարվել է հարցին պատասխանելուց։ 
«Հայաստան» դաշինքի վերաբերյալ դրական է արտահայտվել հարցման մասնակիցների 14 տոկոսը, 86 տոկոսն էլ կարծում է, որ դաշինքն ընթանում է սխալ ուղղությամբ։

Երևանում մայիսի 22-ին տեղի է ունեցել Ազգային ժողովի ընտրություններում առաջադրված քաղաքական ուժերի, քաղաքացիական հասարակության կազմակերպությունների և հաշմանդամություն ունեցող անձանց մասնակցությամբ հանդիպում, որի արդյունքում ստորագրվել է ներառական քաղաքականությունների հանձնառության փաստաթուղթ։
«Արմենպրես»-ի հաղորդմամբ՝ միջոցառումը կազմակերպել էր «Ագաթ» հաշմանդամություն ունեցող կանանց իրավունքների պաշտպանության կենտրոն» հասարակական կազմակերպությունը՝ նպատակ ունենալով խթանել հաշմանդամություն ունեցող անձանց իրավունքների ներառումը քաղաքական օրակարգերում և նախընտրական ծրագրերում։
Ինչպես  տեղեկացնում են «Ագաթ» հաշմանդամություն ունեցող կանանց իրավունքների պաշտպանության կենտրոն»-ից, Հայաստանում ներկայում հաշվառված է հաշմանդամություն ունեցող 153,129 անձ, որոնց մեծամասնությունն ունի ընտրության իրավունք, սակայն նրանց խնդիրները գրեթե արտացոլված չեն խորհրդարանական ընտրություններում առաջադրված քաղաքական ուժերի ծրագրերում։ Քաղաքական գործընթացներում ներառականության ապահովումը դիտարկվում է որպես ժողովրդավարության կարևոր նախապայմաններից մեկը։