Category: Hetq

Ճանապարհների փոսերից վնաս կրած վարորդները հրաժարվում են դատարան դիմելուց՝ ծախսերի և երկարատև գործընթացների պատճառով
Վերջին տարիներին վարորդներին անհանգստացնում են ոչ միայն միջպետական ճանապարհների փոսերը, այլև համայնքային: Մամուլը հաճախ է գրում, իսկ ակտիվիստները պարբերաբար ահազանգում են, որ փոսերի պատճառով վթարներ են լինում ճանապարհներին, վարորդները վնասներ են կրում, իսկ համայնքային իշխանությունները դրսևորում են անգործություն:
📌 Անդրադառնալով ճանապարհների փոսերի վերաբերյալ քաղաքացիներից ստացված մեծաթիվ դիմում-բողոքներին՝ Երևանի քաղաքապետարանն այն պայմանավորում է եղանակային պայմաններով:
«Այս հոսքը պայմանավորված էր ձմռան շրջանում գոյացած մեծ ծավալի փոսերով, ինչն էլ նաև եղանակային պայմանների հետևանք էր: 2025-2026թթ. ձմեռը վերջին տասը տարվա ամենատեղումնառատ ձմեռն էր»,- «Հետքին» հայտնում են Երևանի քաղաքապետարանից:
🔗 Մանրամասները՝ կարդացեք ԱՅՍՏԵՂ

Հայաստանի և Միացյալ Թագավորության վարչապետերը փոխանակվել են ՀՀ-ի և ՄԹ-ի միջև ռազմավարական գործընկերության մասին համատեղ հռչակագրով
Վարչապետի աշխատակազմից հաղորդում են, որ զրուցակիցները մտքեր են փոխանակել ինչպես երկկողմ օրակարգի, այնպես էլ տարածաշրջանային նշանակության թեմաների շուրջ:
📌 Հանդիպման արդյունքներով Նիկոլ Փաշինյանը և Քիր Սթարմերը փոխանակվել են Հայաստանի Հանրապետության և Մեծ Բրիտանիայի և Հյուսիսային Իռլանդիայի Միացյալ Թագավորության միջև ռազմավարական գործընկերության մասին համատեղ հռչակագրով:

❗️Տեղի է ունեցել Նիկոլ Փաշինյանի և ՆԱՏՕ-ի գլխավոր քարտուղար Մարկ Ռյուտեի հանդիպումը
Վարչապետի աշխատակազմից հաղորդում են, որ զրուցակիցներն անդրադարձել են նաև միջազգային և տարածաշրջանային կայունությանն ուղղված ջանքերին, ինչպես նաև փոխադարձ հետաքրքրություն ներկայացնող այլ հարցերի։
📌 Կողմերը վերահաստատել են պատրաստակամությունը՝ շարունակելու կառուցողական երկխոսությունն ու համագործակցությունը՝ հիմնված ընդհանուր արժեքների և փոխադարձ վստահության վրա։

🇭🇷🇦🇲 Հայաստանի և Խորվաթիայի միջև ստորագրվել է ռազմավարական երկխոսության մասին համատեղ հռչակագիր
Եվրոպական քաղաքական համայնքի գագաթնաժողովի շրջանակում ՀՀ վարչապետ Նիկոլ Փաշինյանը հանդիպում է ունեցել Խորվաթիայի վարչապետ Անդրեյ Պլենկովիչի հետ։ Այս մասին հաղորդում են Կառավարության լրատվական ծառայությունից։
Զրուցակիցները քննարկել են Հայաստան–Խորվաթիայի հարաբերությունների հետագա զարգացմանը վերաբերող հարցեր, անդրադարձել տարածաշրջանային նշանակության տարբեր թեմաների։
📌 Հանդիպման արդյունքներով Նիկոլ Փաշինյանը և Անդրեյ Պլենկովիչը ստորագրել են Հայաստանի Հանրապետության և Խորվաթիայի Հանրապետության միջև ռազմավարական երկխոսության մասին համատեղ հռչակագիրը։

🇫🇷 Ֆրանսիայի նախագահ Էմանուել Մակրոնը իր ելույթում նշեց, որ այսքան շատ առաջին այցերը լավ ցուցանիշ է երկրի համար։

«Եկեք ազնիվ լինենք․ ութ տարի առաջ ոչ ոք այստեղ չէր գա և այն փաստը, որ մենք այսքան շատ առաջին այցեր ունենք ձեր երկիր, իսկապես լավ ցուցանիշ է, որովհետև ութ տարի առաջ այս երկիրը սեղանին նստած բազմաթիվ երկրների կողմից դիտարկվում էր որպես Ռուսաստանի դե ֆակտո արբանյակ, և Նիկոլը(խմբ․ Փաշինյանը) կազմակերպեց թավշյա հեղափոխությունը և այն որոշեց ապառիսկայնացնել երկիրը, ու այն շահեց դրա արդյունքում»

,- իր ելույթում նշեց Ֆրանսիայի նախագահը։

🔻 Ադրբեջանի նախագահ Իլհամ Ալիևը մեղադրել է Եվրոպական խորհրդարանին՝ Ադրբեջանի թիրախավորման մեջ։
«Եվրոպական խորհրդարանը թիրախավորում է Ադրբեջանը՝ տարածելով զրպարտանք և սուտ։ Պատճառն այն է, որ Ադրբեջանը պաշտպանել է իր տարածքային ամբողջականությունը, վերջ դրել սեպարատիզմին և պատերազմական հանցագործներին բերել արդարության։ Մայիսի 1-ին Ադրբեջանի խորհրդարանը պաշտոնապես որոշել է կասեցնել Եվրոպական խորհրդարանի հետ բոլոր ոլորտներում, կասեցնել ԵՄ-Ադրբեջան խորհրդարանական փոխգործակցության կոմիտեի գործունեությունում․․․։
📌 Ավարտելով թույլ տվեք շնորհավորել վարչապետ Փաշինյանին Հայաստանում ԵՔՀ գագաթնաժողովի անցկացման կապակցությամբ, և նշել, որ չնայած բոլոր այն մարդկանց ջանքերի, որոնք փորձում են խաթարել այս գործընթացը, Ադրբեջանը միտված է խաղաղության օրակարգին և իմ հայ գործընկերոջ ելույթը դա շատ հստակ ընդգծեց»,- իր ելույթում նշեց Ադրբեջանի նախագահը։

«Հույս ունեմ՝ հնարավորություն կունենամ այցելել Ադրբեջան 2028-ին, երբ Եվրոպական քաղաքական համայնքի գագաթնաժողովն այնտեղ անցկացվի»,- հայտարարել է վարչապետ Նիկոլ Փաշինյանը՝ գագաթնաժողովի բացման ելույթում։

📌 Փաշինյանը նշել է՝ առաջին անգամ է, որ Ադրբեջանի նախագահը մասնակցում է միջոցառման, որը տեղի է ունենում, Հայաստանում, թեկուզ՝ տեսակապով։

🇧🇪🇦🇲 Վարչապետ Նիկոլ Փաշինյանը և Բելգիայի Թագավորության վարչապետ Բարտ դե Վևերը Երևանում մասնակցել են Հայաստանում Բելգիայի Թագավորության դեսպանատան բացման արարողությանը։ Այս մասին հաղորդում են Կառավարության լրատվական ծառայությունից։
🗣 Իր խոսքում Բարտ դե Վևերն ընդգծել է, որ Բելգիայում կա մեծ հայկական համայնք, որը շարունակում է ծառայել որպես կենդանի կամուրջ երկու երկրների միջև։ Կարևորելով դեսպանատան բացումը՝ Բելգիայի վարչապետը նշել է․

«Սա, իսկապես, պատմական պահ է։ Խորը հպարտությամբ ենք բացում մեր դեսպանատունն այստեղ՝ քաղաքակրթության օրրաններից մեկում: Այս դեսպանատունն ավելին է, քան զուտ Բելգիայի և Հայաստանի միջև երկարատև կապի խորհրդանիշ։ Այն մեր ապագայի հանդեպ հանձնառության հանդիսավոր արտահայտությունն է․ հանձնառություն՝ խորացնելու մեր համագործակցությունը բիզնեսի, նորարարության, տեխնոլոգիաների, ենթակառուցվածքների և գիտական փոխանակման ոլորտներում»:

📌 ԵՔՀ հավաքից զատ, մայիսի 4-5-ը Երեւանում անցկացվում է նաեւ Հայաստան-Եվրոպական միություն անդրանիկ գագաթնաժողովը։ Այս երկկողմ գագաթնաժողովին ԵՄ-ն ներկայացնում են Եվրոպական խորհրդի նախագահ Անտոնիու Կոշտան և Եվրոպական հանձնաժողովի նախագահ Ուրսուլա ֆոն դեր Լայենը, նաև՝ ԵՄ բարձր ներկայացուցիչ Կայա Կալլասը։
Հայկական կողմից բանակցությունները վարում է վարչապետ Նիկոլ Փաշինյանը։
Հայաստան-ԵՄ գագաթնաժողովի հիմնական թեմաներն են.
🔻Երկկողմ հարաբերությունների խորացում և վիզաների ազատականացում։
🔻Համագործակցություն էներգետիկայի, տրանսպորտի և թվային ոլորտներում։
🔻Հարավային Կովկասում խաղաղության և անվտանգության ապահովման ընթացքը։
❗️Գագաթնաժողովի ավարտին կհրապարակվի համատեղ հայտարարություն, տեղի կունենա մի շարք ստորագրված փաստաթղթերի փոխանակում, որոնք կարևոր են ԵՄ–Հայաստան գործընկերության խորացման համար։

🔻 Երեւանը մայիսի 4-ին և 5-ին հյուրընկալում է միջազգային նշանակության երկու խոշոր քաղաքական իրադարձություն։ Մայիսի 4-ին տեղի է ունենում Եվրոպական քաղաքական համայնքի (ԵՔՀ) 8-րդ գագաթնաժողովը՝ «Կառուցելով ապագան. միասնություն և կայունություն Եվրոպայում» կարգախոսի ներքո։ Գագաթնաժողովին մասնակցում է 47 բարձրաստիճան պատվիրակություն՝ պետությունների և միջազգային կառույցների ղեկավարների մակարդակով (Հայաստանը ներառյալ՝ 48 երկիր)։ 
🔗Միջոցառման մանրամասներին ծանոթացեք ԱՅՍՏԵՂ